صدر حسن روحانی کا تہران میں کورونا کیسز بڑھنے پر لاک ڈاؤن کا اعلان

ایرانی میڈیا کے مطابق کورونا کسیز میں اضافے پر سخت پابندیاں عائد کرنے کا فیصلہ کیا گیا ہے۔دارالحکومت میں لاک ڈاؤن کا نفاذ 9 اکتوبر تک جاری رہے گا۔

لاک ڈاؤن کے دوران عبادت گاہیں، اسکولز، جامعات، جیم، کیفے بندرکھنے کا فیصلہ کیا گیا ہے جب کہ شہریوں سے کورونا ایس او پیز پر سختی سے عمل کرنے کی ہدایت کی گئی ہے۔

صدر حسن روحانی نے کورونا سے نمٹنے کے لیے بنائی گئی ٹاسک فورس کے اجلاس کے دوران تہران میں سختی پابندیوں کی منظوری دی۔

انہوں نے کہا کہ سرکاری و نیم سرکاری اداروں میں خدمات انجام دینے والے عملے کو سختی سے ایس او پیز پر عملدآرمد کرنے کی ہدایت کرتے ہوئے کہا کہ خلاف ورزی پر نہ صرف قانونی چارہ جوئی کی جائے گی بلکہ ان کے کاروبار و اداروں کو بھی بند کر دیا جائے گا۔