بل گیٹس کی بیٹی نے اپنے گھرانے کی اہم اندرونی کہانی بتا کر سب کو حیران کردیا

مائیکروسافٹ کے بانی اور دنیا کے دوسرے امیرترین شخص بل گیٹس کی بیٹی نے کہا ہے کہ وہ اپنے تمام تر وسائل استعمال کرکے دنیا کو ایک بہترین جگہ بنانا چاہتی ہیں۔

امریکی میگزین کو انٹرویو دیتے ہوئے بل گیٹس کی بیٹی ’جینیفر‘ کا کہنا تھا کہ تمام سہولتوں سے آراستہ ارب پتی گھرانے میں پیدا ہوئی، میں اپنے وسائل سے دنیا کے لیے کچھ کرنا چاہتی ہوں۔

بل گیٹس کے تین بچوں میں جینیفر سب سے بڑی بیٹی ہے اور امریکی ریاست نیویارک میں میڈیکل کی طالبہ ہے۔ انٹرویو کے دوران انہوں نے بتایا کہ والد اور والدہ نے ہمیشہ سے بہترین تربیت فراہم کی، کھانے کی میز پر وہ مجھ سے بڑے اور سنجیدہ موضوعات پر بات چیت کرتے ہیں۔

24 سالہ جینیفر کو بڑی بیٹی ہونے کا اعزاز حاصل ہے، ان کے بعد 21 سالہ روری نامی بھائی ہے اور پھر سب سے چھوٹی بہن 17 سالہ پھیوبی ہے۔ بل گیٹس کے تمام بچے اعلیٰ تعلیم حاصل کررہے ہیں۔

بیٹی کا مزید کہنا تھا کہ والدین کی لوگوں کے لیے خدمات کو دیکھ کر سیکھتی ہوں، والد کورونا کے علاوہ دیگر مسائل کے حل کے لیے اپنی تمام تر کاوشیں بروائے کار لارہے ہیں اور فاؤنڈیشن اپنے وسائل فراہم کررہا ہے۔

اس خبر پر اپنی رائے کا اظہار کریں