میں چاہوں گا کہ بھارت پاکستان پربمباری کردے، پاکستانی ڈرائیورکاانتہائی صبر کا مظاہرہ، ویڈیو وائرل

عمران خان کی سابق اہلیہ جمائما گولڈ اسمتھ نے نسلی تعصب پر مبنی اس وڈیو کو شیئر کرتے ہوئے پاکستانی ڈرائیور کی تعریف کی ہے۔اردو کا لفظ شاباش استعمال کرتے ہوئے جمائما کا کہنا ہے کہ پاکستانی برٹش ڈرائیور قابل عزت ہے جس نے تعصب سے بھری بدسلوکی کے باوجود اپنے غصے پرقابو پائے رکھا۔ دوران سفر متعصب مسافر نے پاکستانی ڈرائیور سے پوچھا کہ تم خود کو سمجھتے کیا ہو جس پر ڈرائیور نے جواب دیا کہ میرا ایسا خیال نہیں۔

متعصب مسافر نے کہا کہ تمہیں لگتا ہے کہ پاکستان میں بھی کوئی خاص بات ہے، میں تمہیں ایک بات کہوں، میں چاہوں گا کہ بھارت پاکستان پربمباری کردے۔اس کے جواب میں پاکستانی ڈرائیور نے بس اتنا کہا کہ ‘ٹھیک ہے کوئی مسئلہ نہیں۔ اس کے باوجود متعصب مسافر نے پاکستان کیخلاف ہرزہ سرائی کا سلسلہ جاری رکھا اور کہا کہ پاکستان وہ جنگ کبھی نہیں جیت سکے گا۔

اس بار بھی پاکستانی ڈرائیور نے کہا کوئی مسئلہ نہیں۔پھر مسافر نے کہا کہ تمہیں معلوم ہے یہ انگلینڈ ہے جس پر پاکستانی ڈرائیور نے کہا کہ میں اس بات چیت کو فیس بک پرڈالوں گا، متعصب مسافر نے کہا کہ تم انگلینڈ میں کما رہے ہوتمہیں اس کی عزت کرنی چاہیے، پاکستانی ڈرائیور نے کہا کہ بہت شکریہ سر، میں اس ویڈیو کوفیس بک پرڈالوں گا تاکہ زیادہ سے زیادہ لوگ آپ کودیکھ سکیں، لوگ آپ کا چہرہ بھی دیکھ سکتے ہیں کوئی مسئلہ نہیں۔

اس کے بعد متعصب مسافر نے کہا کہ تمہارا کیا خیال ہے جس پر پاکستانی ڈرائیور نے کہا کہ بہت شکریہ آپ کا ٹائم پورا ہوگیا۔ متعصب مسافر نے کہا کہ تمہاراکیا خیال ہے کیا پاکستانی انگلش لوگوں کوہرا سکتے ہیں، ایک دن تمہاری کمپنی ہماری کمپنی بن جائیگی جس پر پاکستانی ڈرائیور نے کہا کہ ہم یہاں مقابلے کیلئے نہیں ہیں۔

Shabash & respect to this Pakistani-British cab driver keeping his cool in the face of unspeakable racist abuse from a grotesque thug. https://t.co/kwvQPCYIai

— Jemima Goldsmith (@Jemima_Khan) June 4, 2020