کورونا وائرس: بھارت میں خوراک کی قلت کے باعث 70 تارکین وطن قرنطینہ مراکز سےفرار

بھارت میں کورونا کی وبا کے تیزی کے ساتھ پھیلنے کے ساتھ ساتھ متاثرہ افراد کو خوراک اور دیگر بنیادی سہولیات کی قلت کا سامنا ہے جس کے نتیجے میں قرنطینہ مراکز میں رکھے گئے کورونا کے مشتبہ مریض وہاں سے بھاگنے لگے۔

بھارتی ریاست بہار کے ضلع نوڈا میں خوراک کی قلت کا شکار لگ بھگ 70 افراد قرنطینہ مرکز سے فرار ہوگئے ۔ یہ مفرور ہزاروں تارکین وطن مزدوروں میں شامل ہیں جو 25 مارچ کو کورونا وائرس کے پھیلنے کو روکنے کے لیے ملک گیر لاک ڈاؤن کے بعد بھارت کے شہروں سے نکل گئے تھے۔ شہر چھوڑنے کے بعد یہ مزدور اپنے گائوں واپس جا رہے تھے کہ پولیس نے انہیں پکڑ کر قرنطین کردی تھا۔

مقامی ٹیلی ویڑن نے مرکز سے فرار ہونے والے تارکین وطن کی تصاویر نشر کیں۔ ریاست کے دارالحکومت پٹنا سے 90 کلومیٹر دور ضلع نوڈا میں واقع سرڈالا کمپلیکس کے آدرش بورڈنگ اسکول میں 150 سے زیادہ تارکین وطن کو قرنطین کیا گیا تھا۔

اسی تناظر میں ضلعی جج یشپال مینا نے بتایا کہ 50 تارکین وطن قرنطینہ سے فرار ہوگئے ۔ ان میں کورونا کا مصدقہ مریض بھی شامل ہے۔ انہوں نے مزید کہا کہ فرار ہونے والے کم از کم 15 افراد مل گئے اور وہ مرکز میں واپس آئے۔

اس خبر پر اپنی رائے کا اظہار کریں