بین الاقوامی

رہیں اب محتاط، استعمال شدہ ماسک اور دستانے پھینکنے والوں کیخلاف سخت ایکشن شروع

متحدہ عرب امارات میں استعمال شدہ فیس ماسک اور دستانے چلتی گاڑی سے باہر پھینکنے والوں کی شامت آگئی۔

اماراتی میڈیا کے مطابق پولیس نے شہریوں کو خبردار کیا ہے کہ استعمال شدہ ماسک اور دستانے چلتی گاڑی سے پھینکنے والوں کو بخشا نہیں جائے گا۔

پولیس کا کہنا ہے کہ ایسا غیر سماجی رویہ اور ماحول کی خرابی کا باعث بننے والی حرکت کسی صورت قبول نہیں اور غیر مناسب طرز عمل قابل گرفت ہے۔

پولیس نے شہریوں سے کہا ہے کہ گاڑیوں سے استعمال شدہ ماسک اور دستانے پھینکنے والوں کو ایک ہزار درہم جرمانہ اور ڈرائیوننگ لائسنس میں 6 منفی پوائنٹس بطور سزا دیے جائیں گے۔

اس حوالے سے پولیس نے بیان جاری کرتے ہوئے کہا ہے کہ مشاہدے میں یہ بات سامنے آئی ہے کہ بعض کار سوار استعمال شدہ ماسک اور دستانے کھڑکیوں سے باہر پھینک رہے ہیں جو سراسر ٹریفک قوانین کی خلاف ورزی ہے۔

بیان کے مطابق استعمال شدہ ماسک اور دستانے لوگوں کی صحت اور عوام دوست ماحول کے لیے خطرہ ہیں، آلودہ ماسک اور دستانے کورونا وائرس اور دیگر بیماریوں کو پھیلانے کا سبب بن سکتے ہیں۔

Related Articles

Back to top button