بین الاقوامی

کورونا وائرس: سعودی عرب نے انٹرنیشنل فلائٹس کے حوالے سے اہم اعلان کر دیا

سعودی ایوی ایشن نے کورونا کی روک تھام کیلئے اقدامات مزید سخت کردیے

سعودی ایوی ایشن نے بین الاقوامی پروازوں پر پابندی غیر معینہ مدت کیلئے برقرار رکھنے کا فیصلہ کیا ہے۔

سعودی ایوی ایشن نے کورونا کی روک تھام کیلئے اقدامات مزید سخت کردیے، مملکت میں بین الاقوامی پروازوں کی بندش طویل کر دی گئی۔

سعودی ایوی ایشن گاکا کی جانب سے نئے احکامات جاری کردیئے گئے جس کے تحت بین الاقوامی پروازوں پر پابندی غیر معینہ مدت کیلئے برقرار رکھنے کا فیصلہ کیا گیا ہے۔

یہ احکامات سعودی ایوی ایشن کے صدر محمد بن العطیبی کی مںظوری سے جاری کئے گئے ہیں اور تمام ائیر ٹریفک کنٹرولرز کو بھی نئے احکامات سے آگاہ کردیا گیا ہے۔

سعودی ایوی ایشن کا کہنا ہے کہ نئے احکامات تک کسی بھی قسم کی پرواز کو سعودی عرب ائیرپورٹ پر لینڈنگ کی اجازت نہیں ہوگی۔

واضح رہے کہ پی آئی اے سمیت تمام ائیرلائنوں پر سعودی عرب میں داخلے پر پابندی برقرار ہے تاہم پاکستان نے خصوصی اجازت کے ذریعے پی آئی اے کی پروازوں سے عمرہ زائرین کو وطن واپس پہنچا دیا ہے۔

Related Articles

Back to top button