بین الاقوامی

ٹرمپ نے اسرائیل سے متعلق اپنے جذبات کا اظہار برملا کردیا، مسلم ممالک کیلئے پریشان کن خبر

امریکی صدر ڈونلڈ ٹرمپ نے ایسا بیان جاری کردیا ہے کہ عالمی دنیا دنگ رہ گئی ہے اور خبردار بھی ہوگئی۔

امریکی صدر ڈونلڈ ٹرمپ نے اسرائیلی امریکی کونسل کی نیشنل سمٹ میں خطاب کرتے ہوئے کہا کہ امریکی صدر کی حیثیت سے اسرائیل کا سب سے ہمدرد اور بہترین دوست میرے سوا کوئی اور نہیں رہا ہوگا۔امریکی صدر نے مزید کہا کہ میں نے اسرائیل سے جو وعدے کیے انہیں نبھایا اور تل ابیب سے امریکی سفارت خانے کو یروشلم منتقل کرنے کا کٹھن کام بھی میری صدارت میں ہوا جس پر مخالفین کے ساتھ ساتھ میرے اپنے بھی ناقد ہوگئے تھے لیکن میں نے کسی کی پرواہ نہیں کی۔

صدر ٹرمپ نے اپنے دعوے پر زور دیتے ہوئے کہا کہ مجھ سے پہلے تمام ہی امریکی صدور نے اسرائیل سے محض زبانی وعدے کیے اور کسی ایک بھی وعدے کو پورا نہیں کیا کیوں کہ وہ سب خوف زدہ لوگ تھے اور میں وعدے پورے کرنے والا صدر کہلایا جانا چاہتا ہوں۔

واضح رہے کہ امریکی صدر ڈونلڈ ٹرمپ نے عہدہ سنبھالتے ہی اپنے انتخابی وعدے یروشلم کو اسرائیل کا دارالحکومت تسلیم کرنے پر کام کرنا شروع کر دیا تھا اور دسمبر 2017 کو امریکی سفارت خانہ تل ابیب سے یروشلم منتقل کرنے کے متنازع فیصلے کا اعلان کردیا تھا۔

Related Articles

Back to top button