سیاچن کے محاز پر 4 بھارتی فوجیوں سمیت 6 افراد کیسے ہوئے ہلاک؟ اہم انکشاف نے بھارتی آرمی کے رونگٹھے کھڑے کر دئیے
خطہ ہمالیہ میں پیر کو بھارت کے زیر انتظام کشمیر میں سیاچن کے مقام پر تقریباً 18ہزار فٹ کی بلندی پر بھارتی فوج کے دستے گشت کر رہے تھے کہ برفانی تودے کی زد میں آ گئے۔
بھارتی فوج کے ترجمان نے بتایا کہ ان فوجیوں کی تلاش میں ریسکیو مشن شروع کیا گیا جس کے بعد فوجیوں سمیت 8 افراد کو نکال کر ہسپتال منتقل کردیا گیا۔
فوجی ترجمان کرنل راجیش کالیا نے بتایا کہ انتہائی کوششوں کے باوجود ہم چار بھارتی فوجیوں اور دو چوکیداروں کو بچانے میں ناکام رہے۔
فوج کے ایک اور ترجمان کرنل ابھینو نونیت نے کہا کہ حادثے میں بچ جانے والے دو بھارتی فوجیوں کا علاج جاری ہے۔
انہوں نے مزید بتایا کہ ایک بھارتی فوجی چوکی بھی برفانی تودے کی زد میں آئی لیکن اس کے نتیجے میں کسی قسم کی ہلاکت کی اطلاعات موصول نہیں ہوئی۔
بھارت وزیر دفاع راج ناتھ سنگھ نے واقعے پر گہرے دکھ اور افسوس کا اظہار کیا ہے اور اپنی ٹوئٹ میں ہلاک ہونے والے فوجیوں کو سلام پیش کیا۔
Deeply pained by the demise of soldiers and porters due to avalanche in Siachen. I salute their courage and service to the nation. My heartfelt condolences to their families.
— Rajnath Singh (@rajnathsingh) November 19, 2019
خیال رہے کہ بھارت کے قبضے میں سیاچن گلیشیئر کا سب سے بلند حصہ ہے جس کی بلندی 23،000 فٹ ہے اور اب تک برفانی تودے کی زد میں آ کر سینکڑوں بھارتی فوجی ہلاک ہو چکے ہیں۔
بھارتی وزیر دفاع نے 2016 میں اعداد وشمار پیش کرتے ہوئے بتایا تھا کہ ‘گزشتہ 32 سالوں میں سیاچن گلیشیئر پر 915 افراد ہلاک ہوئے، اس طرح سالانہ 28 افراد ہلاک ہوئے۔
سیاچن پر گزشتہ 3 دہائیوں کے دوران پاکستان اور بھارت کے 2000 سے زائد فوجی جان کی بازی ہار چکے ہیں جن میں سے بیشتر انتہائی اور ناقابل پیش گوئی موسمی تبدیلیوں کے باعث ہلاک ہوئے۔
یہ بھی یاد رہے کہ ایک بار پھر سیاچن گلیشیئر کو فوج سے پاک کرنے کا تصور پیش کیا گیا تھا تاہم بھارت نے مناسب حدود کے تعین اور موجودہ پوزیشن برقرار رکھنے کی تجویز پر عمل درآمد نہ ہونے کے باعث اس سے انکار کردیا۔
