آئل ٹینکر پر راکٹ حملے، دھوئیں کے سیاہ بادل چھا گئے

سعودی بندرگاہ سے 100 کلومیٹر فاصلے پر ایرانی آئل ٹینکر میں اچانک زوردار دھماکا ہوا جس کے نتیجے میں خوفناک آگ بھڑک اُٹھی اور دھوئیں کے سیاہ بادل چھا گئے۔ آئل ٹینکر کا ایک حصہ تباہ ہونے کے باعث تیل بحیرہ احمر میں لیک ہونا شروع ہوگیا۔

دھماکا آئل ٹینکر کو لگنے والے دو راکٹوں کی وجہ سے ہوا تاہم یہ حملہ کس کی جانب سے کیا گیا اس حوالے سے تاحال کچھ کہنا قبل از وقت ہے، ایران نے حملے کو دہشت گردی قرار دے دیا ہے۔

ایرانی حکام کا کہنا ہے کہ جہاز میں موجود عملہ محفوظ ہے اور اب حالات عملے کے کنٹرول میں ہیں امریکی نیوی کے دستوں نے دھماکے کی تصدیق کی ہے تاہم تفصیلات سے وہ بھی آگاہ نہیں۔