کیا کوئی حکومت ہے بھی کہ نہیں؟؟رابی پیرزادہ کاحکومت سے شکوہ

رابی پیرزادہ ٹوئٹر پر کافی فعال نظر آتی ہیں اور حال ہی میں انہوں نے ٹوئٹ کیا کہ ‘جب میں نے ایک ٹوئٹ کی کہ میں پاکستان چھوڑ کر جا رہی ہوں، سب نے وائرل کر دی، مگر جب کہا کہ حکومتی آرٹ کلچر کے ادارے میرا آرٹ پروموٹ نہیں کر رہے، سفارش چاہیے توکوئی نہیں بولا؟’

رابی پیرزادہ نے اپنی ٹوئٹ میں کہا کہ ‘کیا مجھے میرا آرٹ لے کر کسی اور ملک میں جانا ہوگا، اس کا جواب کون دے گا؟’۔رابی پیرزادہ نے ایک اور ٹوئٹ کیا جس میں انہوں نے کہا تھا کہ ‘ وزیر اعلیٰ پنجاب سردار عثمان بزدار کے آفس سے دو دفعہ فون آیا مگر کوئی نتیجہ نہیں نکلا’۔

انہوں نے کہا کہ ‘کیا کوئی حکومت ہے بھی کہ نہیں، جو لوگ میرے آرٹ کے ساتھ یہ کر رہے ہیں وہ کتنے آرٹسٹ سے پاکستان کو محروم کر رہے ہیں، افسوس، کیا توجہ دلانے کے لیے کسی بھارتی آرٹسٹ کی ٹوئٹ ضروری ہے؟