عاطف اسلم کی آواز میں اسما الحسنیٰ نے دل جیت لیے
گلوکار عاطف اسلم نے ٹوئٹر پر اپنی خوبصورت آواز میں پڑھے جانے والے اللہ تعالیٰ کے 99 نام اسماءالحسنیٰ کا یوٹیوب لنک شیئر کیا۔
اِس لنک کو شیئر کرتے ہوئے عاطف اسلم نے لکھا کہ ‘جیسے کہ ہم ان اوقات میں انسانیت کے ساتھ کھڑے ہیں، یہ امید اور یکجہتی کا ایک شائستہ اظہار ہے’۔
Coke Studio Special | Asma-ul-Husna | The 99 Names | #AtifAslam
A humble expression of hope & solidarity, as we stand with humanity in these times.#Aadee #Aadeez #HopeForHumanity #CokeStudioRamzanhttps://t.co/x1tqD7duPd
— Atif Aslam (@itsaadee) May 14, 2020
کوک اسٹوڈیو کی جانب سے ریلیز کی جانے والی ویڈیو کو چند گھنٹوں میں لاکھوں افراد نے دیکھا اور خوب سراہا۔
اِس سے قبل عاطف اسلم نے گزشتہ ماہ اپریل میں اپنی سحر انگیز آواز میں اذان دی تھی جس نے ناصرف مسلمانوں پر بلکہ غیر مسلم مداحوں پر بھی اپنی رقت طاری جاری کردی تھی۔
گزشتہ سال کوک اسٹوڈیو کے بارہویں سیزن کا آغاز عاطف اسلم کی آواز میں پڑھی گئی حمد ’وہی خدا ہے‘ سے کیا گیا تھا جبکہ کوک اسٹوڈیو کے آٹھویں سیزن میں عاطف اسلم نے مشہور قوالی ’تاجدارِ حرم‘ کو ایک منفرد انداز میں پیش کیا تھا۔
