شوبز کی خبریں

نسیم شاہ بالی ووڈ کی زینت

بالی ووڈ اداکارہ اروشی روٹیلا کے بعد بھارتی پنجابی فلموں کی اداکارہ سونم باجوہ بھی پاکستانی کرکٹ ٹیم کے فاسٹ بائولر نسیم شاہ کی مداح ہوگئیں۔

سونم باجوہ کی جانب سے انسٹاگرام سٹوری میں شیئر کی گئی ویڈیو چند روز قبل سوشل میڈیا پر وائرل ہوئی تھی جس میں کپتان بابر اعظم اپنے ننھے مداح کو آٹوگراف دینے سے منع کرتے ہوئے لفٹ میں سوار ہوکر وہاں سے چلے گئے تھے۔

بابر اعظم کے جانے پر مداح رونے لگا تھا، بچے کو روتا ہوا دیکھ کر نسیم شاہ پریشان ہوگئے تھے اور پھر انہوں نے بچے کو اپنے نام کا آٹوگراف دیا تھا اور سیلفی بھی بنوائی تھی۔

نسیم شاہ نے بچے کا دل خوش کرنے کے لیے یہ بھی کہا تھا کہ وہ انہیں بابر اعظم کا آٹو گراف بھی دے سکتے ہیں۔

سونم باجوہ نے نسیم شاہ کی نرم مزاجی اور دریا دلی کو سراہتے ہوئے ویڈیو اپنی انسٹاگرام اسٹوری میں شیئر کی تھی اور ساتھ ہی فاسٹ بولر کے اس عمل کو ’’کیوٹ‘‘قرار دیا تھا۔

 

Related Articles

Back to top button