کاروباری خبریں

کورونا وائرس نے عالمی معیشت کا کیا ستیاناس، 8 اعشاریہ 8 ٹریلین ڈالر کا نقصان

ایشیائی ترقیاتی بینک (اے ڈی بی) کی جانب سے جاری کردہ رپورٹ کے مطابق کورونا وائرس کے باعث عالمی معیشت کو 8 اعشاریہ 8 ٹریلین ڈالر نقصان کا تخمینہ ہے۔

اے ڈی بی کی کورونا وائرس کے باعث معاشی نقصان سے متعلق جاری رپورٹ میں کہا گیا ہے کہ کورونا وائرس کے باعث عالمی معیشت میں 9 اعشاریہ 7 فی صد تک گراوٹ ہو سکتی ہے۔

رپورٹ کے مطابق ایشیائی ممالک کو کورونا وائرس کے باعث 1 اعشاریہ 7 ٹریلین ڈالر نقصان کا خدشہ ہے۔

ایشیائی ترقیاتی بینک کی جاری کردہ رپورٹ میں کہا گیا ہے کہ کورونا کے باعث چین کو 1 اعشاریہ 1 ٹریلین ڈالر سے زائد نقصان پہنچنے کا خدشہ ہے۔

رپورٹ میں کہا گیا ہے کہ کورونا وائرس پر قابو پانے کے لیے تمام ممالک کی حکومتیں اقدامات کر رہی ہیں، دنیا بھر میں صحت کے شعبے میں بہتری کےلیے اقدامات کیے جا رہے ہیں۔

اے ڈی بی کی کورونا وائرس کے باعث معاشی نقصان سے متعلق جاری رپورٹ میں کہا گیا ہے کہ وائرس سے دنیا بھر میں سیاحت، سرمایہ کاری کو شدید نقصان پہنچا۔

ایشیائی ترقی بینک کی رپورٹ میں کہا گیا ہے کہ وائرس کے باعث تجارت اور صنعتوں کی پیداوار میں کمی ہوئی اور سفری پابندیوں، لاک ڈاؤن، سرحدوں کی بندش سے معاشی نقصان ہوا ہے۔

اے ڈی بی کی کورونا وائرس کے باعث معاشی نقصان سے متعلق جاری رپورٹ میں کہا گیا ہے کہ موجودہ معاشی صورتحال میں پالیسیوں کا تعین کرنا انتہائی اہمیت کا حامل ہے۔

Related Articles

Back to top button