اگر3900 ارب کی ٹیکس وصولیاں بھی ہوئیں تو ہماری خوش قسمتی ہوگی: عبد الحفیظ شیخ

آئی کیپ کے زیر اہتمام معیشت بعد از کروناکے عنوان سے ہونے والے سینیمار سے خطاب کرتے ہوئے عبدالحفیظ شیخ کا کہنا تھا کہ کورونا سے پہلے معیشت کی تین فیصد کے حساب سے ترقی کی امید تھی کیونکہ ٹیکس وصولیاں اضافے کے بعد 16 فیصد تک پہنچ گئیں تھیں۔

اُن کا کہنا تھا کہ امید تھی آخری سہ ماہی میں ٹیکس وصولیوں میں مزیداضافہ ہوگا مگر پھر کرونا وائرس آگیا جس کی وجہ سے برآمدات میں بہت زیادہ کمی ہوئی اور معیشت پر اس کے برے اثرات مرتب ہوئے۔

عبدالحفیظ شیخ کا کہنا تھا کہ کرونا کی وجہ سے اپریل میں برآمدات میں چالیس فیصد سے زائد کمی ریکارڈ کی گئی۔

اُن کا کہنا تھا کہ ترسیلات زرمیں کمی کے ساتھ لاک ڈاؤن سے مزید بے روزگاری بڑھنے کا خطرہ ہے ۔ حکومت پرامید تھی کہ ٹیکس وصولیاں 47سے4800ارب کےلگ بھگ تک پہنچ جائیں گی۔

عبدالحفیظ شیخ کا کہنا تھا کہ اب اگر39ارب کی ٹیکس وصولیاں بھی ہوئیں تو ہماری خوش قسمتی ہوگی، کوروناسےمعیشت کوکتنانقصان ہوسکتاہےاس کا اندازہ لگانا مشکل ہے۔