آئی ایم ایف آئندہ ہفتے پاکستان کو 1.4 ارب ڈالر جاری کریں گے

آئی ایم ایف حکام کا کہنا ہے کہ پاکستان کو آئندہ ہفتے 1.4 ارب ڈالر جاری کیے جائیں گے۔

تفصیلات  کے مطابق آئی ایم ایف آئندہ ہفتے پاکستان کو 1.4 ارب ڈالر جاری کرے گا، پاکستان نےکورونا وائرس کے پیش نظر فنڈز کی فراہمی کی درخواست کی تھی۔

آئی ایم ایف حکام کا کہنا ہے کہ 6 ارب ڈالر کے اضافی فنڈ کی سہولت پر کام جاری ہے، پاکستان ای ایف ایف پروگرام کی پالیسیوں ، اصلاحات پر عمل پیرا ہے۔

واضح رہے کہ آئی ایم ایفکورونا وائرس وائرس سے لڑنےکیلئے ممالک کی مدد کیلئے کوشاں ہیں ، اس سے قبل جی ٹوئنٹی ممالک وزرائے خزانہ اورآئی ایم ایف کا مشترکہ اجلاس ہوا تھاجس میں کورونا وائرس کےنقصانات کےحوالےسےاہم فیصلے کئے گئے تھے۔

کرسٹلینا جارجیوا نے بتایا تھا کہ آئی ایم ایف نےقرض فراہمی کےحجم کوڈبل کر دیا ہے، جس کے بعد آئی ایم ایف کی قرض فراہمی کی صلاحیت اب دس کھرب ڈالر ہوگئی ہے، قرض فراہمی کانیا دورجنوری دوہزاراکیس سے ہوگا اورتین سال تک جاری رہےگا۔

ان کا کہنا تھا کہ آئی ایم ایف کےبورڈنےسی سی آرٹی کےبارےمیں ریفارمزکی منظوری بھی دی ہے، اس ریفارم کےتحت غریب ممالک فنڈ کوقرضوں کی واپسی کےبجائےسی سی آرٹی فنڈ میں رقم جمع کروائیں گے۔
آئی ایم ایف کی ایم ڈی کا کہنا تھا کہ سی سی آرٹی فنڈ میں چالیس کروڑ ڈالر دستیاب ہیں اورآئی ایم ایف اس کوبڑھاکرایک ارب ڈالر کرناچاہتاہے۔

اس خبر پر اپنی رائے کا اظہار کریں