کاروباری خبریں

آئی ایم ایف کا وفد معاشی مشاورت کیلئے پاکستان پہنچ گیا

آئی ایم ایف کا وفد معاشی مشاورت کےلئے پاکستانی پہنچ گیا ہے، وفد اور پاکستانی حکام کے درمیان معیشت کی بہتری کے لیے تجاویز پر گفتگو ہوگی۔

آئی ایم ایف کا وفد پاکستان کے دورے میں اہم ملاقاتیں کرے گا اور ان ملاقاتوں میں اہم معاشی امور پر بات چیت کی جائے گی۔ وزارت خارجہ کے حکام کا کہنا ہے کہ آئی ایم ایف کا یہ ایس او ایس مشن ہے ، جو کہ معاشی اصلاحات پر تجاویز دے گا اور بجٹ اہداف کے حصول میں معاونت فراہم کرے گا۔

حکام کا یہ بھی کہنا ہے کہ ایس او ایس مشن کو ٹیکس آمدن پر بریفنگ دی جائے گی۔ مشن کے ساتھ ٹیکس ہدف کے حصول پر بات چیت ہوگی اور مالی خسارہ کم کرنے کے لیے مختلف تجاویز پر غور کیا جائے گا۔ بتایا جارہا ہے کہ آئی ایم ایف کے اس وفد کے ساتھ توانائی کے شعبے میں پاکستان کو درپیش نقصانات کم کرنے کے لیے بھی تجاویز پر مشاورت ہوگی۔

Related Articles

Back to top button